Daniel Tesfay

Mezmur

ኣምላኸይ ብዙሕ እዩ ውዕለቱ
እግዚኣብሄር ሓይለይ ኢኻ

Daniel Tesfay 1

ኣምላኸይ ብዙሕ እዩ ውዕለቱ

ኣምላኸይ ብዙሕ እዩ ውዕለቱ (Daniel Tesfay)

                            ኣምላኸይ ብዙሕ እዩ ውዕለቱ
                             ይመልኣለይ ከምቲ መጠን ሃብቱ
                             ይሕልወኒ ብነበልባል መልኣኽቱ
                             የንብረኒ ከም መጠን ምሕረቱ ኣብቲ ቤቱ

        1. እግዚኣብሄር ምድሓነይ እዩ
           ሓይሊ ህይወተይ ንሱ በይኑ
        ብመላእኽቱ እናሓለወኒ የዒንቱ ድማ ዘይፍለያኒ

                               2. ዕቤቱ ዘይምርመር ስለ ዝበሃገኒ
                                  ብብዝሒ ስርናይ የጽግበኒ
                                  ሃብቲ መንግስቱ ኣዝዩ ዝለዓለ
                                  ዘድልየኒ ይህበኒ ሓደ ከየጕደለ

        3. ኣብ ጸጽባሕ ምሕረቱ ሓድሽ እዩ
           ኣይወጽእን ካብቲ ዝሞቐ ቤቱ
            ተበጀየካ እየ ኢሉ ንዝመለሰኒ
            ብሓጐስ እጭድር ነዚ መድሓኒ

                             4. ውዕለቱ ብዙሕ እዩ ክንደይ ኢለ ክቘጽሮ
                                  ስለይ ንሓደ ወዱ መስዋእቲ ዝገበሮ
                                እዚ ከይኣክል ኣቦይ ኰይኑኒ
                                  ብስጋን ብነፍስን ይከናኸነኒ

Daniel Tesfay 2

እግዚኣብሄር ሓይለይ ኢኻ

እግዚኣብሄር ሓይለይ ኢኻ ከውሐይ ኢኻ

ትውክልተይ ኢኻ ምሳኻ ኮይነ ኩሉ ዝኸዶ

ካብ ዓወት ናብ ዓወት እናዘለልኩ ይሓልፎ /2/

1. እቲ ግሁር ሓዊ ኣብ እቶን ዝተኣጉደ

ሸውዓተ ዕጽፊ ኮይኑ እኳ ተነደደ

እስካ ምሳይ ስለዘለካ ኣብኡ

ይሕጎስ ይዝምር ኮይነ ኣብቲ ውሽጢ /2/

2. ናብ ንሕስያ ዘይብሎም ዝተኣስሩ ኣናብስ

ደርብዮም ዓጻጽዮምኒ ታሪከይ ክድምሰስ

መልኣክኻ ልኢኻ ኣፎም ዓጺካለይ

ዘይባህሪኦም እምበር ኮነ መጻውተይ /2/

3. ሕልሙ ኣጨኒቅዎ ንጉስ ተናወጸ

ምዝካሩ ስኢኑ ሰብ ክቀትል መረጸ

ሂወተይ ዘጥፍእ ዝነበረ ጉዳይ

ነቲ ምስጢር ገሊጽካ ንክብረት ኮነለይ /2/

እግዚኣብሄር ሓይለይ ኢኻ

ከውሐይ ኢኻ ትውክልተይ ኢኻ

ምሳኻ ኮይነ ኩሉ ዝኸዶ

ካብ ዓወት ናብ ዓወት እናዘለልኩ ይሓልፎ /2/

4. ኩነታት ተመሰለ ኣምላኽ ዝራሕራሓኒ

ገና ብንእስነተይ ናብ ምርኮ ዝደርበየኒ

ለካ እቶም ዝጸንዑ ዝሕልው እምነቶም

ፍልይ ኣቢልካ ብዓወት ትመርሖም /2/